O`zAAA yangiliklari - O`zbekiston Aloqa Va Axborotlashtirish Agentligi

| Qidirish | Xarita | Aloqa |

| o`zb | рус |

O`zAAA yangiliklari

O`zbekiston yangiliklari

OAV AKT haqida

2007 yil yakunlari

AKT rivojlanishining qisqacha tavsifi (2002-2007)

O'zbekistonda AKT rivojlanishining sharxi (2006-2008)

OAV AKT haqida: (Arxiv)

Axborot-resurs markazlari – fermerlar xizmatida. - O'zA
Toshkent viloyatida fermerlarga xizmat ko‘rsatuvchi axborot-resurs markazi ish boshladi. Qishloq mulkdorlarining daromadini oshirish, ularda texnikadan samarali foydalanish, tadbirkorlik ko‘nikmalarini shakllantirishga alohida e’tibor qaratilmoqda.
Ta’limda zamonaviy axborot texnologiyalari. O'zA
Abdulla Avloniy nomidagi xalq ta’limi xodimlarini qayta tayyorlash va malakasini oshirish markaziy institutida ilg‘or pedagogik texnologiyalarni ta’lim jarayoniga joriy etishga bag‘ishlangan seminar boshlandi.
Telefon tarmog‘i taraqqiyoti. O'zA
2010 yilning birinchi yarmida mamlakatimizdagi qishloq vrachlik punktlarining 1046 tasi GSM va CDMA standartlaridagi aloqa vositalari bilan ta’minlandi.
Zamonaviy axborot texnologiyalari – har bir oilaga. - O'zA
Bugun mamlakatimizda axborot-kommunikatsiya texnologiyalari qo‘llanilmayotgan birorta ham soha yo‘q. Hayotimizning iqtisodiy, ijtimoiy va boshqa jabhalarida milliy salohiyatni yanada oshirish maqsadida amalga oshirilayotgan keng ko‘lamli islohotlarni jadallashtirish jarayonida ularni keng miqyosda o‘zlashtirish alohida ahamiyat kasb etmoqda.
Ovullarda – kompyuter o‘quvlari. - O'zA
Qoraqalpog‘iston Respublikasi Vazirlar Kengashi va “Kamolot” yoshlar ijtimoiy harakati respublika kengashi tashabbusi bilan yoshlarni moddiy va ma’naviy qo‘llab-quvvatlash, yozgi ta’til davrida ularni foydali ijtimoiy mehnatga jalb etish maqsadida oliy o‘quv yurtlari talabalarining “Bunyodkor-2010” mehnat guruhlari tashkil etildi.

Foydali manbalar:

Kompyuter savodxonligi mashg'ulotlari davom etmoqda
Davr shiddat bilan rivojlanmoqda. Biror-bir soha yo'qki, u yerga axborot texnologiyalari va vositalari kirib bormayotgan bo'lsa. Bu esa zamonaviy axborot va kommunikatsiya texnologiyalari, raqamli va keng formatli telekommunikatsiya aloqa vositalari hamda internet tizimini yanada rivojlantirish, ularni har bir oila hayotiga joriy etish va keng o'zlashtirishdek muhim vazifani izchil amalga oshirishni taqozo etyapti. Shuning uchun ham O'zbekiston aloqa va axborotlashtirish agentligi tomonidan O'zbekiston Respublikasi Prezidentining 2010 yil 27 yanvardagi “Barkamol avlod yili Davlat dasturi to'g'risida”gi qarorida belgilangan Iqtisodiyotning barcha sohalariga axborot-kommunikatsiya texnologiyalarini joriy etish, ulardan har bir tashkilot va oilada foydalanishni targ'ib qilish, bolalar, o'smirlar va yoshlar o'rtasida AKT sohasida bilimlar olishni rag'batlantirish” hamda “Aholining o'quv yurtlari kompyuter sinflari va internet tarmog'idan jamoatchilik foydalanish punktlari bazasida axborot texnologiyalari asoslariga o'qitish tizimini tashkil etish, AKT asoslariga o'qitish bo'yicha kompakt disklarda o'quv multimedia taqdimot materiallari tayyorlash va tarqatish” kabi bandlarining bajarilishini ta'minlash borasida bir qator tadbirlar amalga oshirilyapti. Toshkent axborot texnologiyalari universitetining yuqori bosqich iqtidorli talabalaridan tashkil etilgan “Bunyodkor yoshlar” o'quv otryadlari tomonidan respublikamizning 200dan ortiq tumanlarida yoshlar hamda davlat organlari xodimlarini kompyuter savodxonligiga o'qitish yuzasidan olib borilayotgan ishlar shularning biri. — Ayni kunda barcha ishlarimiz maxsus reja asosida olib borilyapti, — deydi ushbu loyiha uchun mas'ul, TATU O'zbek-Hind axborot texnologiyalari markazi rahbari O'tkir Hamdamov. — Respublika bo'yicha har bir tuman, viloyat va shaharlar markazida bittadan o'quv punkti tashkil etilgan. Har bir punktga ikki nafardan talaba ajratilgan. Bu talabalar kompyuter sinfi, 10tadan zamonaviy axborot va kommunikatsiya texnologiyalari hamda internet tizimini yanada rivojlantirish, ularni har bir oila hayotiga joriy etish va keng o'zlashtirish bo'yicha trening kurslari qo'llanmasi, DVD-disklarga joylashtirilgan multimedialar bilan ta'minlangan. O'quv kurslari 5 iyuldan boshlandi. Har bir kurs besh kundan bo'lib, jami 20 kun davom etadi. Reja bo'yicha birinchi besh kunlikda tuman yoki shahar kollejlarining o'quvchi va o'qituvchilari ta'lim olishgan bo'lsa, ikkinchi besh kunlikda “Kamolot” yoshlar ijtimoiy harakati faollari o'qishdi. Qolgan ikki besh kunlikda “Mahalla” xayriya jamg'armasi xodimlari hamda hokimlik organlari va soha korxonalari xodimlari kompyuter bo'yicha bilim-malakalarini oshirishadi. Biz o'quv mashg'ulotlari olib borilayotgan maskanlardan biri — poytaxtimizning Mirobod tumanida joylashgan politexnika kasb-hunar kollejida bo'ldik. Ushbu bilim dargohidagi kompyuter savodxonligi o'quv kurslarini TATUning iqtidorli talabalaridan Hayotilla Rahmonov hamda Viktor Spesivsevlar olib borishyapti. Ularning tinglovchilari esa o'sha kuni “Mahalla” jamg'armalari faollari ekan. Ularning darslarni to'liq o'zlashtirishga harakat qilayotganlari yuz-ko'zlaridagi diqqat-e'tibordan ko'rinib turardi. Dars tugagach, biz tinglovchilar fikri bilan qiziqdik. — Men Mirobod tumanidagi mahallalardan birida maslahatchi bo'lib ishlayman, — dedi Dilorom Hakimova. — Ushbu kurslarni tashkil etganlarga rahmat. O'tilayotgan darslardan ko'p narsalarni bilib olyapman. Barcha yozuv ishlari kompyuterlar orqali amalga oshirilayotgan hozirgi davrda bu o'quv kurslari ayni muddao bo'ldi. Qolaversa, TATU talabalaridan ham g'oyat minnatdormiz. Ular bizning har bir savolimizga erinmay javob berib, kundalik ish faoliyatimizda kerak bo'ladigan har bir jarayonni aniq ko'rsatib berishyapti. Ha, TATU talabalari o'zlarining yozgi ta'tillarini ana shunday el uchun foydali, zimmalariga yuklatilgan vazifani to'liq bajargan holda o'tkazmoqdalar, ustozlari ishonchini oqlamoqdalar. Muborak MIRKAMOLOVA, “Xabar” muxbiri SAMARQAND: Axborot-kommunikatsiya texnologiyalarini hayotning barcha sohalariga joriy etish bugungi kunning dolzarb talablaridan biri ekanligi barchaga ravshan. O'zbekiston aloqa va axborotlashtirish agentligining bevosita rahbarligida Toshkent axborot texnologiyalari universitetining Samarqand filiali iqtidorli talabalaridan bir guruhi viloyat aholisi o'rtasida zamonaviy axborot-kommunikatsiya texnologiyalaridan amalda foydalanish ko'nikmalarini shakllantirish bo'yicha o'quv kurslari olib bormoqdalar. Samarqand viloyatining shahar va qishloqlaridagi 18ta kollejda 36 nafar TATU talabasi qator akademik litsey va kollejlar o'qituvchilari hamda o'quvchilariga, «Kamolot» yoshlar ijtimoiy harakati, «Kelajak ovozi» yoshlar tashabbuslari markazi faollari, «Mahalla» xayriya jamg'armasi xodimlari va faollari, mahalliy hokimlik organlari, korxona va tashkilotlar xodimlari uchun o'quv darslari o'tishmoqda. O'quv auditoriyalarining barchasi kompyuterlar, printerlar, videoproyektor va ekranlar, audiokolonkalar bilan jihozlangan. Bundan tashqari, Toshkent axborot texnologiyalari universitetining Samarqand filiali iqtidorli talabalaridan 26 nafari Jizzax viloyatidagi 13ta tuman kollejlarida, 24 nafar talaba Buxoro viloyatining 12 tumanida fuqarolar uchun «Kompyuter savodxonligi»gidan o'quv mashg'ulotlari olib borishmoqda. Zamonaviy axborot-kommunikatsiya va internet texnologiyalari darslari shu yilning 30 iyuliga qadar davom etadi. Abdug'afur HOTAMOV, “Xabar”ning Samarqand viloyatidagi muxbiri FARG’ONA: TATU Farg'ona filiali talabalaridan tarkib topgan “Bunyodkor yoshlar” guruhlari yozgi ta'til chog'ida Farg'ona, Namangan, Andijon shahar va tumanlarida bo'lishib, aholini zamonaviy axborot-kommunikatsiya texnologiyalari bilan tanishtirish va ularning kompyuter savodxonligini oshirish bo'yicha trening o'quv kurslarini tashkil etishga o'z hissalarini qo'shishmoqda. Ushbu loyiha doirasida har bir oilaning hayotida zamonaviy axborot va kompyuter texnologiyalari, raqamli hamda keng formatli telekommunikatsiya aloqa vositalari, internet tizimini tatbiq etish, o'zlashtirish va yanada rivojlantirish jarayonlariga ko'maklashish amalga oshiriladi. “Mening nazarimda, — dedi yoshlarni el xizmatiga kuzatar ekan filial direktori R.Teshaboyev, — sizlar amalga oshiradigan ish “Bunyodkor yoshlar” atamasi mohiyatini yanada ochib yuborgandek bo'ldi. Chunki trening kurslarida ishtirok etib, aholini zamonaviy axborot-kommunikatsiya texnologiyalari bilan tanishtirish va ularning kompyuter savodxonligini oshirish respublikamizdagi ulkan bunyodkorlik harakatiga hissa qo'shish, demakdir”. Nabijon SOLIEV, TATU Farg'ona filiali dotsenti NAVOIY: Barchamiz yozgi ta'til mavsumida talabalardan tashkil topgan “Bunyodkor yoshlar” qurilish otryadlarini yaxshi bilamiz. Talabalar otryadi desa ko'z o'ngimizga qurilish maydonlarida yaratuvchilik bilan band yoki qishloq xo'jalik ishlarini amalga oshiradigan bunyodkor yoshlar gavdalanadi. Bu yilgi “Bunyodkor yoshlar” guruhining missiyasi butunlay boshqacha. Ular aholining ma'naviy dunyosini boyitishni, yoshlarning intellektual salohiyatini oshirishni o'z oldiga maqsad qilgan yangi yo'nalishdagi guruh. Ushbu o'quv otryadlari xayrli niyat bilan Navoiy viloyatiga ham tashrif buyurdi. O'quv treninglari viloyatning barcha tuman va shaharlarida o'tkazilmoqda. Mazkur o'quv kurslarida Toshkent axborot texnologiyalari universitetining yuqori bosqich iqtidorli talabalari o'quv treninglarini zamonaviy interfaol usulda, disk hamda o'quv qo'llanmalari yordamida muvaffaqiyatli amalga oshirmoqdalar. M.HOSILOVA QASHQADARYO va SURXONDARYO: TATUning Qarshi filiali talabalaridan tashkil topgan “Bunyodkor yoshlar” otryadlari Qashqadaryo va Surxondaryo viloyatlari markazlari hamda tumanlarida o'quv seminarlarini olib bormoqdalar. — Jami 58 nafar “Bunyodkor yoshlar” otryadi a'zolarining 28 nafari viloyatimizda, 30 nafari Surxondaryo viloyatida o'quv seminar mashg'ulotlarini olib bormoqdalar, — deydi filial direktorining o'rinbosari Muslim Murodov. – Avvalo shuni ta'kidlashim joizki, bu mashg'ulotlarni olib borish uchun o'quv dasturlarini puxta o'zlashtirgan talabalar tanlab olinib, ularning dars berishlari uchun zarur shart-sharoitlar yaratilgan. Joylarda tashkil etiladigan o'quvlar oldidan tanlab olingan talabalarga filialimiz professor-o'qituvchilari, viloyat hokimligi kompyuterlashtirish markazining malakali mutaxassislari seminarlar o'tishdi. Aftondil ISMOILOV, “Xabar”ning Qashqadaryo viloyatidagi muxbiri RAQAMLARDA: Talaba yoshlar otryadlari yordamida aholida axborot-kommunikatsiya texnologiyalaridan amalda foydalanish ko'nikmalarini shakllantirish maqsadida respublikamiz tuman, viloyat va shahar markazlaridagi 200ta kasb-hunar kollejida o'quv auditoriyalari tashkil etildi. Ushbu auditoriyalarda Toshkent axborot texnologiyalari universiteti va uning joylardagi filiallarida ta'lim olayotgan 400 nafar iqtidorli talaba hamda 15 nafar guruh rahbari kompyuter savodxonligi bo'yicha mashg'ulotlar olib borishyapti. Ustoz talabalar 400 nusxadagi o'quv qo'llanmasi, 400ta diskda taqdimot materiallari, UzMOT milliy amaliyot tizimi va isoft.uz interfaol o'rgatuvchi dasturiy majmua asosida dars o'tmoqdalar.
22.07.2010